ELCB Protect from Lightining ? ( Malayalam)

🔷 ELCB / RCCB മിന്നലിൽ നിന്നും വയറിങ്ങിനെയും ഉപകരണങ്ങളെയും സംരക്ഷിക്കുമോ ?

✅ SPD നിർമിക്കുന്നതിനും ഉപയോഗിക്കുന്നതിനായി ലോകത്താകമാനം അംഗീകരിച്ചിട്ടുള്ള സ്റ്റാൻഡേർഡ് ആണ് IEC 61643-11. ഇത് പ്രകാരം നിർമിച്ച SPD  സ്ഥാപിച്ചാൽ മിന്നൽ മൂലം ലൈനിലൂടെ കടന്നു വരുവാൻ സാദ്ധ്യതയുള്ള നാശനഷ്ടങ്ങളും, അപകടങ്ങളും ഒരു പരിധി വരെ ഒഴിവാക്കാം

💡 ഇല്ല . നിങ്ങളുടെ വീട്ടിൽ സ്ഥാപിച്ചിട്ടുള്ള ELCB / RCCB ക്ക് മിന്നലിന്റെ ഡിസ്ചാർജിൽ നിന്നും വയറിങ്ങിനെയും ഉപകരണങ്ങളെയും സംരക്ഷിക്കാൻ സാധിക്കില്ല . കാരണം പഠനങ്ങൾ തെളിയിച്ചിട്ടുള്ളത് മിന്നൽ വന്നു പോകുന്നത് 100  മുതൽ 300 മൈക്രോ സെക്കന്റിനുള്ളിലാണ് . ELCB /RCCB ട്രിപ്പ് ചെയ്യാൻ ( ഓഫ് ആവാൻ ) 100 മുതൽ 500 മില്ലി സെക്കന്റ് വരെ എടുക്കും . അതായത് മിന്നൽ ELCB /RCCB ഓപ്പറേറ്റ് ചെയ്യുന്നതിനേക്കാൾ 1000 മടങ്ങു വേഗത്തിൽ പ്രഹരിക്കുന്നു.

🔷 മിന്നൽ ഉള്ളപ്പോൾ ELCB /RCCB ഓഫ് ആവുന്നതെന്തുകൊണ്ട് ?

💡 നിങ്ങളുടെവയറിങ്ങിൽ ഉണ്ടാവുന്ന എർത് ലീക്കേജ് ആണ് ELCB /RCCB നോക്കുന്നത് . മിന്നൽ ഉണ്ടാവുന്ന സമയത്തു ഉള്ള ഉയർന്ന വോൾട്ടേജിൽ വയറിങ്ങിലെ ഇൻസുലേഷൻ ദുർബലമായ സ്ഥലത്തു നിന്നും എർത് ലീക്കേജ് ഉണ്ടാവുന്നു . ഇത് മൂലം ELCB/RCCB ട്രിപ്പ് ആവുന്നു .  ലീക്കേജ് ഫ്ലക്സ് എന്ന ഫിനോമിന കൊണ്ടും Rcc B ട്രിപ്പാകാം .പക്ഷെ ഇത് ഓഫ് ആവുന്നത് മുകളിൽ പറഞ്ഞത് പോലെ മിന്നൽ പ്രഹരിച്ചു കഴിഞ്ഞതിനു ശേഷം ആണ്. നിങ്ങളുടെ സ്ഥലത്തു മിന്നലിന്റെ പ്രഭാവം ശക്തമാണെങ്കിൽ നാശനഷ്ടങ്ങളിൽ നിന്നും ELCB/RCCB ക്കു സംരക്ഷിക്കാൻ സാധിക്കില്ല. '

🔷 എങ്ങനെ മിന്നലിൽ നിന്നും വയറിങ്ങിനെയും ഉപകരണങ്ങളെയും സംരക്ഷിക്കാം ?

💡 സർജ് പ്രൊട്ടക്ഷൻ ഡിവൈസ് (SPD ) സ്ഥാപിച്ചാൽ മതി .

🔷 എങ്ങനെയാണ്  സർജ് പ്രൊട്ടക്ഷൻ ഡിവൈസ് (SPD )  പ്രവർത്തിക്കുന്നത് ?

💡 SPD യുടെ ഉള്ളിൽ വാരിയബിൾ റെസിസ്റ്റർ ആണ് ഉള്ളത് . സാധാരണ വോൾട്ടേജിൽ ഉയർന്ന പ്രതിരോധം (RESISTANCE ) ആയിരിക്കും .വോൾട്ടേജ് കൂടുമ്പോൾ RESISTANCE കുറഞ്ഞു വരുന്ന സംവിധാനം ആണ് ഇത് . SPD വയറിങ്ങിനു സമാന്തരമായിട്ട് (PARALLEL ) ആയിട്ട് ആണ് സ്ഥാപിക്കേണ്ടത് . SPD യുടെ ഒരു ഭാഗം എർത്തിലും ഘടിപ്പിക്കണം .മിന്നൽ പ്രഹരിക്കുമ്പോൾ ഉണ്ടാവുന്ന ഉയർന്ന വോൾട്ടേജിൽ SPD യുടെ പ്രതിരോധം കുറയുകയും ഡിസ്ചാർജ് കറണ്ട് എർത്തിലോട്ടു പോവുകയും ചെയ്യുന്നു. ഇത് ഒരു ആന്തരീക പ്രതിഭാസം ആയതിനാൽ 25 നാനോ സെക്കന്റിനുള്ളിൽ പ്രവർത്തിക്കാൻ സാധിക്കും.